@jerrychan.net

大頭人篇

上星期五終於都去到睇"Harry Porter"，一坐低就知道有D唔對路，因為我前面坐住一個男仔，著住件大大件羽絨褸(當日應該有21度)，個頭又大都唔止，仲要"GEL" 到個頭行一行，都唔知想點，首先我唔係針對佢，不過我真係用肉眼計過，佢個頭係足足cover 左1/6 個screen，厲利，由於"Harry Porter" 係一套長語片，所以我可以乘機練習Listening 同故事從組，因為字幕看不到，套戲就要靠自己估啦！

小朋友篇
好啦，前面的情況…算啦！套戲開始，Harry Porter一出現，右面就接著傳來一把小朋友的聲音，一望過去，原來係一位5、6歲的小朋友，心知真係不妙啦！哈哈，大家估下接著會點？那個小朋友只係認識Harry Porter一個人，所以以後每逢Harry Porter 一出現佢就會叫" Harry Porter呀！" 大約講左大概265次左右，雖然有好多人都唔係好滿意，但係唔知點解佢地個父母只係識得同個小朋友講道理，例如："你睇下幾多人望住你" 又或者 "你知唔知自己騷擾人呀？"哈哈，真係好笑，講到唔關佢地事噤，難道一個5、6歲的小朋友懂得這些嗎？如果他會知道，就唔係小朋友啦！

香港人呀，你地究竟想點呀？70元的戲飛，我想只可以享受到20元吧！

連日下雨，只好呆坐家中，(不過就算天氣好也一樣)，以下是我做過的事情： - 去過全香港所有影相Forum - 由第一集至第十五集重聽了<<三十六計>>一次 - 看了三部VCD: <<撒哈拉>>，<<龍咁威1>>，<<公主復仇記>> - 睡覺 是不是很無聊呢？不如等我評論下個三部戲啦！

<<撒哈拉>> = 無明星，無特技，故事弱，唔睇好過睇！(不過我都睇哂全部)

<<龍咁威1>> = 番睇第三次都已經笑唔出，都唔知點解要再睇，可能無聊啦！

<<公主復仇記>> = 想睇左好耐不過無機會睇既戲。三部戲中最好的一部，故事非常特別，有阿Gilian演出(最吸引既地方)，攝影角度值得參考！我想講既o野係呢個故事唔只係一部戲，現實生活中係有發生過的…

"真正既王子係唔會令公主傷心的，如果唔係個個就唔會係真正既王子…"

如果係噤，不如話：

"真正既公主係唔會令王子傷心的，如果唔係個個就唔會係真正既公主…"

<希望越高，失望越大>

最近的一次活動，巧巧遇到一個好Model，巧巧有一個好地方，有最好的器材；但是倒頭來卻得到一些自已極不滿意的相片，究竟發生了什麼問題？記得在攝影時自已也不停提醒自已要小心影，不要大意，但是，為什麼會這樣的？真是要好好反思一下！

你能夠幫我嗎？

乘著星期二的睇戲優惠，終於都睇左七劍。 莫問劍、由龍劍、青干劍、天瀑劍、舍神劍、日月劍、競星劍，淨係個名聽落都好型。

由廣播劇到戲院，感覺真係好唔同！廣播劇很會交代每個人的性格，關系和感情，可能係見唔到畫面o既原故，所以一定要寫得特別仔細；但係，戲院就唔同啦，好多時一個畫面已經交代左好多野。不過，可能因為我聽完廣播劇既原故，我總覺得廣播劇把所有野都交代得比較清楚。

例如：七個人點解會係天山上？點解佢地七個人突然之間會結拜左？武完英點解會喜歡楊雲聰？總知就好多問題啦！ 雖然係噤，我都覺得套戲拍得好好，兩個半鐘頭好快就過，真係希望快D有續集！

PS: 為左呢D問題，我已經嘗試買埋漫畫<<七劍>>，希望搵到D答案！遲D再update下！